සියලූ ම රජයේ පාසල්වල ගුරුවරුන්ගේ වැටුප් ගෙවන සාමාන්‍ය දිනය වන්නේ මාසයේ 20 වැනි දා ය.
එහෙත් මුලතිව් කලාප අධ්‍යාපන කාර්යාලයට අයත් පාසල් 55 ක ගුරුවරු 945 කට මේ දක්වා ජනවාරි
මාසයේ වැටුප ගෙවා නැත. ලංකාවේ අනෙකුත් සියලූ ම පාසල්වල ගුරුවරුන්ට පසුගිය 20 වැනිදා ජනවාරි
මාසයේ වැටුප ගෙවන ලද නමුත් මුලතිව් කලාප අධ්‍යාපන කාර්යාලයට අයත් ගුරුවරුන්ට මෙසේ වැටුප්
ගෙවා නැත.
යුද්ධයෙන් දැඩි ලෙස පීඩනයට පත් ජනතාවක් වාසය කරන මේ ප‍්‍රදේශයේ ගුරුවරු ද එම දුෂ්කරතාවයන්ට
හා පීඩනයන්ට මුහුණ දුන් පිරිසකි. ඔවුන්ට නියමිත දිනට අදාළ වැටුප් නොගෙවීම ඔවුන් තව තවත්
දුෂ්කරතාවයන්ට පත් කරවන්නකි. ලංකා ගුරු සංගමය මේ පිළිබඳ ආණ්ඩුකාර ලේකම්වරයාට සහ පලාත්
අධ්‍යාපන අධ්‍යක්ෂවරයාට දන්වා යවා ඇත.
මෙම ප‍්‍රදේශයේ ගුරුවරුන්ට වැටුප් වර්ධක ලැබීම, වැටුප් වැඩිවීමේ චක‍්‍රලේඛ කි‍්‍රයාත්මක වීම ද නියමිත පරිදි
සිදු නොවේ. ජනවාරි මස වැටුප මේ ගුරුවරන්ට තවමත් ගෙවා නොතිබීමෙන් එම තත්වය තවුරු වේ. මෙම
ගුරුවරුන්ගේ වැටුප් වහා ගෙවන ලෙසත් ඔවුන්ට දිවයිනේ අනෙකුත් පාසල්වල ගුරුවරුන්ට සේම වැටුප්
වර්ධක, වැටුප් වැඞීම් නියමිත වේලාවට ලබාදීමට කටයුතු කරන ලෙසත් ලංකා ගුරු සංගමය බලකර සිටී.
මුලතිව් අධ්‍යාපන කලාපයේ ගුරුවරුන්ට ජනවාරි මස වැටුප මේ දක්වා ගෙවා නැත
මිනුවන්ගොඩ කලාප අධ්‍යාපන කාර්යාලයේ ගුරුවරුන් පිරිසකට තැපැල් ඡන්ද අහිමි කිරීම
(2011 පෙබරවාරි 19) මිනුවන්ගොඩ කලාපයට අයත් කොටදෙණියාව කරුණාරත්න මහා විද්‍යාලයේ සහ මැල්ලවගෙදර මහා විද්‍යාලයේ ගුරුවරුන් තැපැල් ඡන්ද ප‍්‍රකාශ කිරීමට අයදුම් කරමින් අදාළ ඉල්ලූම්පත් නියමිත දිනට පෙර මිනුවන්ගොඩ කලාප අධ්‍යාපන කාර්යාලයට භාර දී තිබියදීත් ඔවුන් එය නියමිත කාලයට
ගම්පහ දිස්ත‍්‍රික් නියෝජ්‍ය මැතිවරණ කොමසාරිස්වරයා වෙත ලබා නොදීම නිසා මෙම විදුහල්වල
ගුරුවරුන්ගේ තැපැල් ඡන්ද ඉල්ලූම්පත‍්‍ර ප‍්‍රතික්ෂේප කොට ඇත.
මෙම ගුරු පිරිසගේ නාම ලේඛන විදුහල්පතිතුමාගේ නිර්දේශ සහිතව ඉදිරිපත් කරන ලංකා ගුරු සංගමය .
කලාප කාර්යාලයේ පවතින අකාර්යක්ෂමතාවය නිසා නියමිත දිනට ඉල්ලූම්පත් ඉදිරිපත් කළ
ගුරුවරුන්ට තැපැල් ඡන්ද අහිමිවීම පිළිබඳ තත්වය සොයා බලා ඔවුන්ට සහනයක් සලසන ලෙසත්,
මේ ආකාර ආකාර්යක්ෂම කටයුතු සිදුවීම් පිළිබඳ කරුණු සොයා බලන ලෙසත් මැතිවරණ කොමසාරිස්තුමාගෙන්
වැඩිදුරටත් ඉල්ලා සිටියි.
ගුරුවරුන්ට හිඟවැටුප්, ආපදා ණය, පාසල් සිසුන් සඳහා ශිෂ්‍යාධාර මුදල් මේ දක්වා ලබාදීමට කටයුතු නො කිරීම
(2011 පෙබරවාරි 19) ගුරු සේවයේ උසස්වීම් හා වැටුප් වැඩිවීම්වලට අදාළව නිකුත් කර ඇති 2005/4, 6/2006, 2008/45, 2009/25 යන චක‍්‍රලේඛවලට අනුව ගුරුවරුන්ගේ වැටුප් නියමිත පියවරෙහි පිහිටවා ගෙවිය යුතු හිඟවැටුප මේ දක්වා අතිවිශාල ගුරුවරුන් ප‍්‍රමාණයකට ගෙවා නොමැත. බිලියන 2කට ආසන්න මුදලක් මේ වන විට දිවයින පුරා ගුරුවරුන්ගේ හිඟවැටුප් ලෙස ගෙවීමට ඇත.
2010 ජනාධිපතිවරණ සහ මහමැතිවරණ සමයේදී මෙම හිඟමුදල් ඉදිරි පරිපූරක ඇස්තමේන්තුවෙන් ලබාදෙන
බව ප‍්‍රකාශ කොට පසුව නොවැම්බර් අයවැයෙන් ගෙවන බවට පොරොන්දු විය. එහෙත් එයද ඉටු නොවූ පසු
2011 ජනවාරියේදී මෙම හිඟමුදල් ගෙවන බවට අධ්‍යාපන ලේකම් ඇතුළු පළාත් මහ ඇමතිවරුන් ප‍්‍රකාශ කළද
මේ දක්වා මෙම මුදල් ලබාදී නොමැත.
එසේ ම 5 වසර ශිෂ්‍යත්ව විභාගයෙන් සමත් ශිෂ්‍යත්වලාභී දරුවන්ට 2010 වසර තුළ ගෙවිය යුතු ශිෂ්‍යාධාර මුදල ලබා දී නොමැත. නිසි පරිදි මෙම ශිෂ්‍යාධාර නොලැබීම නිසා මෙම ශිෂ්‍යාධාරලාභී දරුවන් දැඩි අසීරුතාවකට පත්වී ඇත.
ගුරුවරුන් සඳහා ගෙවන ආපදා ණය සඳහා ප‍්‍රමාණවත් ප‍්‍රතිපාදන නොමැති කමින් ඒ සඳහා දිගු කාලයක් බලා
සිටියද එය නොලැබෙන තත්වයක් උදා වී ඇත.
පවතින මේ තත්වය තුළ මේ සඳහා අවශ්‍ය ප‍්‍රතිපාදන වහා ලබාදී ලැබිය යුතු හිඟ වැටුප්, ආපදා ණය හා ශිෂ්‍යාධාර වහාම ලබාදීමට කටයුතු කරන ලෙස ඉල්ලා සිටින ලංකා ගුරු සංගමය තවදුරටත් ගුරුවරුන්
නොරවටන ලෙස අවධාරණය කර සිටී.
පාසල් කළමනාකරණ සහකාර පත්වීම් ලත් 2006 දී ගුරු සේවයට පත්වීම් ලද පිරිසට අධ්‍යාපන පරිපාලන සේවා විභගායට අයදුම් කිරීමේ අවස්ථාව අහිමි කිරීමට විරෝධය
(2011 පෙබරවාරි 19) පාසල් කළමනාකරණ සහකාර හා සංවර්ධන සහකාර තනතුරුවලට පත්වීම් ලැබීමෙන් අනතුරුව 2006 වසරේදී ගුරු සේවයට බඳවා ගන්නා ලද පිරිසට සිය සේවා කාලයේ වසර 5 ක් සම්පූර්ණ නොවීම මත ශී‍්‍ර ලංකා අධ්‍යාපන පරිපාලන සේවයේ තරග විභාගය සඳහා ඉල්ලූම් කිරීමේ අවස්ථාව අහිමි වී ඇත.
මීට හේතු වී ඇත්තේ ඔවුන් පාසල් කළමනාකරණ සහකාර හා සංවර්ධන සහකාර තනතුරු දැරූ කාලය ගුරු
සේවයට එක් නොකිරීම නිසාය. එහෙත් උතුරු මැද පළාතේ පමණක් පාසල් කළමනාකරණ හා සංවර්ධන
සහකාර පත්වීම් ලද පිරිස ගුරු සේවයට බඳවා ගැනීමේදී පළාත් අමාත්‍ය මණ්ඩල සංදේශයක් අනුව සංවර්ධන
සහකාර, පාසල් කළමනාකරණ සහකාර තනතුරු ලද දින සිට ඔවුන්ගේ සේවා කාලය ගුරු සේවයට එක් කොට ඇත.
මේ තත්වය තුළ මෙලෙස ගුරු පත්වීම් ලද උතුරු මැද පළාතේ ගුරු පිරිසට අධ්‍යාපන පරිපාලන සේවා
විභාගයට අයදුම් කිරීමට අවස්ථාව ලැබෙන අතර, සෙසු පළාත්වල පිරිසට මෙවර අධ්‍යාපන පරිපාලන සේවා
විභාගයට ඉල්ලූම් කිරීමේ අවස්ථාව අහිමිව ඇත.
මේ තත්වය සැලකිල්ලට ගෙන මෙම ගුරුවරුන්ට මෙවර අධ්‍යාපන පරිපාලන සේවයේ තරග විභාගයට අයදුම්
කිරීමට අවස්ථාව සලසන ලෙස ලංකා ගුරු සංගමය අධ්‍යාපන ලේකම්වරයාගෙන් ඉල්ලීමක් කර ඇත.
එපමණක් නොව මෙම ගුරුවරුන් මුහුණ දී ඇති ගැටළු සහගත තත්වයට පිළිබඳව අධ්‍යාපන ලේකම්වරයාට,
පළාත් ආණ්ඩුකාරවරුන්ට හා පළාත් අධ්‍යාපන ලේකම්වරුන්ට අවස්ථා ගණනාවකදී ම පෙන්වා දී ඇති ලංකා
ගුරු සංගමය මෙම ගුරු පිරිසගේ සේවා කාලය ඔවුන් පාසල් කළමනාකරණ සහකාර හා පාසල් සංවර්ධන
සහකාර පත්වීම් ලද දිනට පෙරදාතම කොට ගුරුසේවයට ඇතුළත් කරන ලෙස දිගින් දිගටම අවධාරණය කර
සිටී.
ගංවතුර හා නාය යාම්වලට ගොදුරු වූ රාජ්‍ය සේවකයින්ට ලබාදෙන අත්තිකාරම් මුදල වාරික 10 කින් නැවත අය කිරීම අසාධාරණයි
(2011 පෙබරවාරි 19) අංක 03/2011 චක‍්‍රලේඛය අනුව ගංවතුර හා නාය යාම්වලට ගොදුරු වූ රාජ්‍ය සේවකයින්ට ලබාදෙන අත්තිකාරම් මුදල වාරික 10 කින් නැවත අය කරන ලෙස දක්වා ඇත.
මෙම අත්තිකාරම් මුදල වාරික 10 කින් අය කර ගැනීමේදී වැටුපෙන් අවකරණය වන මුදල අධික වීම මත රාජ්‍ය සේවකයින් දැඩි අසීරුතාවයකට පත් වේ.
එබැවින් නැවත අය කිරීම සඳහා වන වාරික ගණන දීර්ඝ කර ගංවතුර හා නායයාම්වලට ගොදුරු වූ රාජ්‍ය සේවකයින්ට සහනයක් සලසන ලෙස රාජ්‍ය පරිපාලන හා ස්වදේශ කටයුතු අමාත්‍යාංශයේ ලේකම්ගෙන් ලංකා ගුරු සංගමය ඉල්ලා සිටියි. .
බස්නාහිර පලාත් මහ ඇමතිවරයා නීත්‍යානුකූල නොවන ලෙසට දිගින් දිගට ම ගුරුමාරු සිදු කිරීමට විරෝධය
(ජනවාරි 14, 2011) බස්නාහිර පලාත තුළ කලාප අධ්‍යාපන කාර්යාල 11 ක් ඇත. මෙම කලාප අධ්‍යාපන කාර්යාල 11 අතර 2011 වසරට අදාළව අන්තර්කලාප ගුරුමාරුවීම් සඳහා විධිමත් ගුරුමාරු ඉල්ලූම්පත‍්‍ර 847 ක් පළාත් අධ්‍යාපන කාර්යාලය වලට ලැබී තිබුණි. මතුගම 56ක්, පිළියන්දල 37, හොරණ 10 ක්, හෝමාගම 18 ක්, ජයවර්ධනපුර 48, මිනුවන්ගොඩ 35 ක්, ගම්පහ 14, කැලණිය 122 ක්, කොළඹ 246ක්, කළුතර 109 ක්, මීගමුව 192 ක් වශයෙනි.
මෙම මාරු ඉල්ලූම්පත‍්‍ර ගුරු සංගම් නියෝජිතයින් ඇතුළත්ව විධිමත් ලෙස පත් කරන ලද ගුරු මණ්ඩලය මගින් නිර්ණායක කිහිපයක් යටතේ සලකා බලා මාරුවීම් ලබා දී තිබුණි.
එනම්, අධ්‍යාපන කලාපයෙන් හා පාසලෙන් නිදහස් කළ ගුරුවරු 23 ක්,
මීගමුව, මතුගම, කලාප වලට හා උතුරු කොළඹ, වත්තල කොට්ඨාසවලට ඉල්ලූම් කරන ලද ගුරුවරු 59 දෙනෙක්,
ගම්පහ, හෝමාගම කලාපවලින් මාරු ඉල්ලා සිටි 28 දෙනෙක්,
වෛද්‍ය හේතු මත 27 ක්,
අනුයුක්ත කිරීම් 2 ක්, වශයෙනි.
ඉහත නිර්ණායක මත ගුරුවරු 139 දෙනෙකුට ස්ථාන මාරු ලබාදුන් අතර, ඉතිරි ගුරුවරුන්ට බස්නාහිර පලාතට අලූතින් උපාධිධාරීන් 453 දෙනෙකු බඳවා ගැනීමේ දී ඔවුන්ට අනුප‍්‍රාප්තික වශයෙන් ස්ථානගත කොට මාරුවීම් ලබාදීමට තීරණය කොට තිබුණි.
තත්වය මෙසේ පවතිද්දී බස්නාහිර පලාත් මහ ඇමතිවරයා තම දේශපාලන හිතවත්කම් සහ වෙනත් හේතු මත විධිමත් මාරු අපේක්ෂා කළ ගුරුවරුන් සිටියදී ගුරුවරුන් 212 දෙනෙකුට මේ වන විට නීත්‍යානුකූල නොවන ආකාරයට ස්ථානමාරු ලබා දී ඇත. වසර 15 කට වැඩි සේවා කාලයක් ඇතිව තම ගම් ප‍්‍රදේශවලට ස්ථානමාරු අපේක්ෂා කළ ගුරුවරුන් සිටියදී වසර දෙක තුනක් හෝ සේවා කාලය නැති ගුරුවරුන් ස්ථානමාරු කොට ඇත.
එම ස්ථානමාරු වීම් කාලප අනුව ගත්විට කොළඹින් 60 ක්, මීගමුව 67, කැලණිය 25, කළුතර 18, ජ’පුර 4, මිනුවන්ගොඩ 12, මතුගම 14, ගම්පහ 4, පිළියන්දල 8 ආදී වශයෙනි.
විධිමත් මාරු අපේක්ෂිත ගුරුමාරු මණ්ඩල හරහා සකස් කළ ප‍්‍රමුඛතා ලේඛනයේ ගුරුවරු 708 දෙනෙකු සිටියදී මහ ඇමතිවරයා ඊට පරිබාහිරව ගුරුවරු 212 දෙනෙකු ස්ථාන මාරු කිරීම අපි දැඩි පිළිකුලෙන් හෙළා දකිමු.
2007/20 දරණ ජාතික ගුරුමාරු ප්රතිපත්තිය මෙන්ම ආණ්ඩුක‍්‍රම ව්‍යවස්ථාවේ 3 වන පරිච්ෙඡ්දයේ 12 වගන්තියේ (2) සඳහන් සමානව සැලකීමේ මූලධර්මය ද උල්ලංඝණය කරමින් සිදු කරන ලද මෙම කි‍්‍රයාවලිය වහාම නතර කරන ලෙසත්, පළාතේ සියලූ ගුරුවරුන්ට සමාන සැලකුම් ලැබීමට ඇති අයිතිය තහවුරු කරන ලෙසත් ලංකා ගුරු සංගමය වැඩිදුරටත් අවධාරණය කරයි.
ලංකාවේ ගුරුවරු කීයක් සිටිත් ද?
(දෙසැම්බර් 15, 2010)පස් වසරක් ඇතුළත ශ්‍රී ලංකාවේ සමස්ත ගුරු සංඛ්‍යාව සියයට 14 කින් වර්ධනය වී ඇති බව අධ්‍යාපන අමාත්‍යාංශය කියයි. 2005 වර්ෂයට සාපේක්‍ෂව 2009 වර්ෂය වන විට එම වර්ධනය වී තිබේ. එම වැඩිවීම 27380 කි. 2005 දී ගුරුවරුන් ගණන 189234 ක් විය. 2009 දී ගුරුවරුන් සංඛ්‍යාව 216614 ක් දක්වා වර්ධනය වී ඇත.
2010 වර්ෂයේදී ගුරුවරුන් 3238 ක් 2006 සිට 2009 දක්වා උපාධිධාරී ගුරුවරුන්ගේ වර්ධනය ද යහපත් ප්‍රගතියක් පෙන්වන බව අමාත්‍යාංශය කියයි. 2006 දී රජයේ පාසල්වල උපාධිධාරී ගුරුවරුන් 68705 ක් සිටියහ. ප්‍රතිශතය 33.57 ක් විය.
2009 දී එම ප්‍රමාණය 77223 ක් දක්වා වර්ධනය විය. ප්‍රතිශතය 35.75 කි. 2011 වර්ෂයට නවක ගුරුවරුන් 8874 ක් බඳවා ගැනීමට සැළසුම් කර ඇත. ගුරු හිඟය සහිත විෂයයන් ඉගැන්වීම සඳහා ඔවුන් යොමුකරන බව ද අමාත්‍යාංශය සඳහන් කරයි.
දිනමිණ, 200-12-15
