(2011 පෙබරවාරි 19) පාසල් කළමනාකරණ සහකාර හා සංවර්ධන සහකාර තනතුරුවලට පත්වීම් ලැබීමෙන් අනතුරුව 2006 වසරේදී ගුරු සේවයට බඳවා ගන්නා ලද පිරිසට සිය සේවා කාලයේ වසර 5 ක් සම්පූර්ණ නොවීම මත ශී‍්‍ර ලංකා අධ්‍යාපන පරිපාලන සේවයේ තරග විභාගය සඳහා ඉල්ලූම් කිරීමේ අවස්ථාව අහිමි වී ඇත.
මීට හේතු වී ඇත්තේ ඔවුන් පාසල් කළමනාකරණ සහකාර හා සංවර්ධන සහකාර තනතුරු දැරූ කාලය ගුරු
සේවයට එක් නොකිරීම නිසාය. එහෙත් උතුරු මැද පළාතේ පමණක් පාසල් කළමනාකරණ හා සංවර්ධන
සහකාර පත්වීම් ලද පිරිස ගුරු සේවයට බඳවා ගැනීමේදී පළාත් අමාත්‍ය මණ්ඩල සංදේශයක් අනුව සංවර්ධන
සහකාර, පාසල් කළමනාකරණ සහකාර තනතුරු ලද දින සිට ඔවුන්ගේ සේවා කාලය ගුරු සේවයට එක් කොට ඇත.
මේ තත්වය තුළ මෙලෙස ගුරු පත්වීම් ලද උතුරු මැද පළාතේ ගුරු පිරිසට අධ්‍යාපන පරිපාලන සේවා
විභාගයට අයදුම් කිරීමට අවස්ථාව ලැබෙන අතර, සෙසු පළාත්වල පිරිසට මෙවර අධ්‍යාපන පරිපාලන සේවා
විභාගයට ඉල්ලූම් කිරීමේ අවස්ථාව අහිමිව ඇත.
මේ තත්වය සැලකිල්ලට ගෙන මෙම ගුරුවරුන්ට මෙවර අධ්‍යාපන පරිපාලන සේවයේ තරග විභාගයට අයදුම්
කිරීමට අවස්ථාව සලසන ලෙස ලංකා ගුරු සංගමය අධ්‍යාපන ලේකම්වරයාගෙන් ඉල්ලීමක් කර ඇත.
එපමණක් නොව මෙම ගුරුවරුන් මුහුණ දී ඇති ගැටළු සහගත තත්වයට පිළිබඳව අධ්‍යාපන ලේකම්වරයාට,
පළාත් ආණ්ඩුකාරවරුන්ට හා පළාත් අධ්‍යාපන ලේකම්වරුන්ට අවස්ථා ගණනාවකදී ම පෙන්වා දී ඇති ලංකා
ගුරු සංගමය මෙම ගුරු පිරිසගේ සේවා කාලය ඔවුන් පාසල් කළමනාකරණ සහකාර හා පාසල් සංවර්ධන
සහකාර පත්වීම් ලද දිනට පෙරදාතම කොට ගුරුසේවයට ඇතුළත් කරන ලෙස දිගින් දිගටම අවධාරණය කර
සිටී.
පාසල් කළමනාකරණ සහකාර පත්වීම් ලත් 2006 දී ගුරු සේවයට පත්වීම් ලද පිරිසට අධ්‍යාපන පරිපාලන සේවා විභගායට අයදුම් කිරීමේ අවස්ථාව අහිමි කිරීමට විරෝධය
Subscribe to:
Post Comments (Atom)
0 comments:
Post a Comment