(දෙසැම්බර් 15, 2010)පස් වසරක් ඇතුළත ශ්‍රී ලංකාවේ සමස්ත ගුරු සංඛ්‍යාව සියයට 14 කින් වර්ධනය වී ඇති බව අධ්‍යාපන අමාත්‍යාංශය කියයි. 2005 වර්ෂයට සාපේක්‍ෂව 2009 වර්ෂය වන විට එම වර්ධනය වී තිබේ. එම වැඩිවීම 27380 කි. 2005 දී ගුරුවරුන් ගණන 189234 ක් විය. 2009 දී ගුරුවරුන් සංඛ්‍යාව 216614 ක් දක්වා වර්ධනය වී ඇත.

2010 වර්ෂයේදී ගුරුවරුන් 3238 ක් 2006 සිට 2009 දක්වා උපාධිධාරී ගුරුවරුන්ගේ වර්ධනය ද යහපත් ප්‍රගතියක් පෙන්වන බව අමාත්‍යාංශය කියයි. 2006 දී රජයේ පාසල්වල උපාධිධාරී ගුරුවරුන් 68705 ක් සිටියහ. ප්‍රතිශතය 33.57 ක් විය.

2009 දී එම ප්‍රමාණය 77223 ක් දක්වා වර්ධනය විය. ප්‍රතිශතය 35.75 කි. 2011 වර්ෂයට නවක ගුරුවරුන් 8874 ක් බඳවා ගැනීමට සැළසුම් කර ඇත. ගුරු හිඟය සහිත විෂයයන් ඉගැන්වීම සඳහා ඔවුන් යොමුකරන බව ද අමාත්‍යාංශය සඳහන් කරයි.

දිනමිණ, 200-12-15